Mirësevini në faqen zyrtare të Internetit të Urdhërit të Mjekëve të Shqipërise, nëpërmjet të cilës do të njiheni me këtë organizëm dhe zhvillimet brenda tij, si dhe me mjekët dhe stomatologët, anëtarë të këtij organizmi, të cilët janë liçensuar dhe kanë fituar të drejtën për të ushtruar profesionin.

Urdher Ministri Per Pajisjen e Mjekeve dhe Stomatologeve Me Lejen Individuale Per Ushtrimin e Profesinit Urdher Ministri Per Praktiken Profesionale Te Profesionisteve Te Shendetit FILLON SEZONI I REGJISTRIMIT ZYRTAR PER PROVIMIN E SHTETIT PRILL-MAJ 2012 PRANE ZYRAVE TE KESHILLIT KOMBETAR NGA DATA 23 MARS 2012 DERI ME 03 PRILL 2012. ME POSHTE KENI LISTEN E DOKUMENTACIONIT QE DO DUHET TE DOREZOHET PER TE BERE KETE REGJISTRIM DHE APLIKIMIN. Njoftim mbi Regjistrimin Zyrtar per Provimin e Shtetit Prill-Maj 2012 Formular Aplikimi

Urdhëri i Mjekëve të Shqipërisë është Ent Publik, i pavarur, i cili përfaqëson interesat e përbashkëta të anëtarëve të tij dhe rregullon marrëdhëniet midis tyre në funksion të publikut. Urdhëri i Mjekëve të Shqipërisë (UMSH) u krijua në vitin 1994 me Ligj të posaçëm nga Kuvendi i Shqipërisë, por për shkak të difekteve dhe pasaktësive të rëndësishme që përmbante ky Ligj, ai nuk mori dot atributet si një Ent Publik i vërtetë, i pavarur dhe nuk mundi të merrte fuqishëm funksionet si një organ i vetrregullimit profesional mjekësor. Ligji e trajtonte Urdhërin e Mjekëve si një strukturë në vartësi të plotë të Ministrisë së Shëndetësisë.

Një riorganizim dhe reformim i UMSH u ndërmorr vetëm në vitet 1999-2000. Me hartimin dhe miratimin nga Kuvendi i Shqipërisë të Ligjit 8615, datë 01.06.2000 "Për Urdhërin e Mjekëve në Republikën e Shqipërisë", Urdhëri mori formën dhe atributet e një Enti Publik të pavarur. Urdhëri është i kompletuar me aktet e domosdoshme normative kodifikuese të veprimtarisë së tij siç janë: Statuti i UMSH-së, Kodi i Etikës dhe Deontologjisë Mjekësore dhe Rregulloret bazë të cilat rregullojnë dhe mbështesin veprimtaritë e tij të brendshme.

Aktualisht Urdhëri i Mjekëve është pozicionuar fort si një organ i vetrregullimit profesional mjekësor i pavarur dhe partner efektiv i Ministrisë së Shëndetësisë në marrëdhënie e bashkëpunim edhe me faktorë dhe aktorë të tjerë që veprojnë brenda sistemit shëndetësor në Republikën e Shqipërisë, por edhe jashtë tij. Urdhëri mban marrëdhënie bashkëpunimi dypalëshe me shumë organizma homologe të huaja, dhe është i anëtarësuar në forume të rëndësishme ndërkombëtare si: Shoqata Botërore Mjekësore (WMA), Shoqata Botërore e Autoriteteve Rregullatore Mjekësore (IAMRA), Forumi Evropian i Shoqatave Mjekësore dhe OBSH (EFMA-WHO), Konferenca Evropiane e Urdhrave të Mjekëve (CEOM), Simpoziumi i Urdhërave dhe Dhomave të Mjekëve të Evropës Qëndrore dhe Lindore (ZEVA), Konferenca e Urdhrave të Mjekëve Euro-Mesdhetare (COMEM), Forumi Mjekësor i Evropës Juglindore (SEEMF), Shoqata e Urdhrave të Mjekëve të Vendeve Mesdhetare të Evropës (GIPEF) etj.

Misioni i Urdhërit të Mjekëve konsiston në nxitjen, bashkëpunimin dhe mbështetjen për arritjen e standardeve të larta të edukimit dhe formimit të vazhdueshëm mjekësor, të etikës dhe sjelljes profesionale, si dhe mbrojtjen e të sëmurëve dhe publikut nga kequshtrimi i mjekësisë.

Në themel të veprimtarisë së Urdhërit qëndron Regjistri themeltar Rajonal dhe Kombëtar i Mjekëve, mbajtja dhe përditësimi i rregullt i tij, duke pasqyruar jo vetëm numrin e mjekëve, lëvizjet, hyrjet dhe largimin e tyre, por edhe rezultatet dhe kreditet e arritura në edukimin profesional të vazhdueshëm, specialitetet e fituara, performancën dhe sjelljen profesionale të tyre. Në bazë të rivlerësimit periodik të këtyre të dhënave bëhet vendimmarrja kush hyn në Regjistër, kush mbetet dhe kush hiqet nga Regjistri që përfundon me aktin e liçensimit, si hallkë e fundit e këtij proçesi.

Organet e Urdhërit janë Asambletë: Asamblea Kombëtare dhe Asambletë Rajonale, si dhe Këshillat e Urdhërit: Këshilli Kombëtar dhe Këshillat Rajonale. Asambletë (Rajonale dhe Kombëtarja) mblidhen çdo 5 (pesë) vjet. Ato zgjedhin përkatësisht Këshillat Rajonale dhe Këshillin Kombëtar. Këshillat Rajonale jane 12, të organizuara në bazë qarqesh, sipas ndarjes administrative të vendit. Urdhëri i Mjekëve është subjekt me vetfinancim. Burimet financiare janë kuotizacionet e anëtarëve, tarifat e regjistrimit dhe të dhënies së Liçensës për Ushtrimin Individual të Profesionit, donacione të ndryshme dhe të ardhura të tjera të ligjshme.

Anëtarësia e Urdhërit përbëhet nga rreth 6605 mjekë e stomatologë (mjekët stomatologë) që ushtrojnë profesionin në Republikën e Shqipërisë nga të cilët 5179 janë mjekë dhe 1426 janë stomatologë. Anëtarësimi në Urdhër është i detyrueshëm. Mjekët dhe stomatologët që ushtrojnë profesionin në sistemin publik apo privat janë të detyruar të pajisen me Liçensën e Ushtrimit Individual të Profesionit, dokument i cili konfirmon se mbajtësi i saj është kompetent dhe përmbush standardet për të ushtruar profesionin.

Me anë të strukturave të tij të posaçme që janë Komisionet e Gjykimit Disiplinor Profesional, Urdhëri merret me ata mjekë, performanca dhe përshtatshmëria e të cilëve me standardet e praktikës profesionale vihet në dyshim. Urdhëri nxjerr Buletinin e UMSH-së, i cili botohet çdo 4 (katër) muaj dhe shpërndahet falas për të gjithë institucionet shëndetësore.